सुदूरपश्चिममा प्रदेश सभा सदस्यलाई कोरोना संक्रमण

२७ असोज, कैलाली । सुदूरपश्चिम प्रदेश सभा सदस्य मनबहादुर धामीलाई कोरोना संक्रमण पुष्टि भएको छ ।
सेती प्रादेशिक अस्पतालको प्रयोगशालामा गरिएको परीक्षणमा उनीमा कोरोना संक्रमण पुष्टि भएको हो । १२ असोजमा काठमाडौँ गएका सांसद धामी सोमबार धनगढी फर्किएका हुन् ।
धामीले आफूलाई काठमाडौँमै रहँदा संक्रमणम भएको हुन सक्ने बताए । ‘१५/६ दिन काठमाडौँ बसे त्यही संक्रमण भएको हुन सक्छ’ उनले अनलाइन खबरलाई भने ।
सोमबारदेखि उनी होम आइसोलेसनमा बसिरहेका छन् । कुनै गम्भीर लक्षण छैन । तर ,सामान्य समस्या देखिएको उनी बताउँछन् । ‘शरीर भारी भइरहेको छ, सास फेर्दा घाटीमा पनि असहज हुन्छ,’ उनले भने ।
अहिले घरमा बेसार पानी नियमित खाइरहेको उनी बताउँछन् । उनले भने ‘मैले अदुवा ,गुर्जो र बेसार पानी खाइरहेको छु ।’

Source link

Share:

Leave a Reply

Your email address will not be published. Required fields are marked *