उपप्राध्यापक चलाउनेमाथि आक्रमण गर्नेलाई कारबाही गर्न अनेरास्ववियूको माग, २ जना पक्राउ

२५ असोज, काठमाडौं । सत्तारुढ नेकपा सम्बद्ध अनेरास्ववियूले त्रिभुवन विश्वविद्यालय (त्रिवि) समाजशास्त्र केन्द्रीय विभागका उपप्राध्यापक प्रेम चलाउनेमाथि आक्रमण गर्नेमाथि कारवाहीको माग गरेको छ ।
अनेरास्ववियूका संयोजक ऐन महर र सहसंयोजक रञ्जित तामाङले आज संयुक्त विज्ञप्ति जारी गर्दै चलाउनेलाई आक्रमण गर्नेलाई गिरफ्तार गरी हदैसम्मको कारवाही गरेर प्राध्यापक जगतलाई सुरक्षाको प्रत्याभूति दिलाउन माग गरेका हुन् ।
यही असोज २० गते त्रिवि परिसरमै उपप्राध्यापक चलाउनेमाथि एक समूहले आक्रमण गरेको थियो । उनको टाउको, हात र शरीरका बिभिन्न भागमा चोट लागेको छ । उपप्राध्यापक चलाउनेको मेडिसिटी अस्पतालमा उपचार भइरहेको छ ।
अनेरास्ववियूले आफूलाई लोकतन्त्रवादी भन्ने समूहले चलाउनेलाई आक्रमण गरेको भन्दै यो घटनाबाट सिंगो बौद्धिक र प्राज्ञिक क्षेत्र आतंकित भएको उल्लेख गरेको छ ।
आक्रमणको आरोपमा २ जना पक्राउ
यसैबीच चलाउनेमाथि आक्रमण गरेको आरोपमा प्रहरीले दुई जनालाई पक्राउ गरेको छ ।
भक्तपुरको सूर्यविनायकबाट रुपेश शाह र सिरहाबाट रविन लामालाई प्रहरीले पक्राउ गरेको हो । काठमाडौंको एक निजी कलेजका विद्यार्थी उनीहरू नेविसंघको राजनीतिमा सक्रिय रहेको बताइन्छ ।
उनीहरूलाई आक्रमणमा प्रयोग गरिएको हुन सक्ने भएकाले अनुसन्धान भइरहेको प्रहरीका एक अधिकारीले बताए ।
उपप्राध्यापक चलाउनेमाथि आक्रमण गर्नुको कारण भने खुलेको छैन ।

Source link

Share:

Leave a Reply

Your email address will not be published. Required fields are marked *