विभिन्न मुद्दाका २६ फरार प्रतिवादी पक्राउ

जिल्ला प्रहरी कार्यालय तनहुँले आज एकैदिन २६ फरार प्रतिवादीलाई पक्राउ गरेको छ । पक्राउ पर्नेमा वन, सम्बन्धविच्छेद, नाता कायम, गाली बेइज्जती, कुलोपानी, जारी, कुटपिट, लुटपिट, करकाप, मानसिक तथा शारीरिक हिं’सा मुद्दाका प्रतिवादी छन् ।
वन मुद्दामा नौ वर्षदेखि फरार ऋषिङ गाउँपालिका–५ पीपलटार बस्ने ५२ वर्षीय कुलबहादुर दरै पक्राउ परेका छन् । निजलाई जिल्ला अदालतले विसं २०६८ असार २३ गतेको फैसलाले पाँच महिना २६ दिन कैद र रु ३८ हजार २२० जरिवाना तोकेको थियो ।
त्यस्तै प्रहरीले जारी, कुलोपानी, मानसिक तथा शारीरिक हिं’सा र सवारी ज्यान मुद्दामा एकएकm वन, नाता कायम, लुटपाट, करकाप, जालसाजी, ला’गुऔषध र गालीबेइज्जती मुद्दामा दुईदुई, कु’टपि’ट मुद्दामा तीन तथा सम्बन्धविच्छेद मुद्दामा चार प्रतिवादीलाई पक्राउ गरेको प्रहरी नायब उपरीक्षक युवराज तिमिल्सिनाले जानकारी दिनुभयो ।
पक्राउ परेकाहरुलाई रु ७० हजार १०४ जरिवाना र पाँच महिना २६ दिन कैद भुक्तानका लागि अदालत पेश गरिएको छ । विभिन्न अ’पराध एवं मुद्दामा संलग्न रही फरार रहेका तथा अदालतबाट फैसला भई दण्ड, जरिवाना, दसौदी, कोर्ट फी र सरकारी बिगो तिर्न बाँकी भएका व्यक्तिको खोजीका लागि प्रहरीले अभियान चलाएको छ । रासस

Source link

Share:

Leave a Reply

Your email address will not be published. Required fields are marked *