सामाजिक विकासमन्त्री घिमिरे कोरोनामुक्त

१ असोज, विराटनगर । प्रदेश १ का सामाजिक विकासमन्त्री जीवन घिमिरे कोरोना संक्रमणमुक्त भएका छन् । कोरोना संक्रमण पुष्टि भएको १८ दिनपछि बिहीबार घिमिरे संक्रमणमुक्त भएका हुन् ।
प्रदेश जनस्वास्थ्य प्रयोगशाला विराटनगरमा जाँच गर्दा उनको रिपोर्ट नेगेटिभ आएको हो । मन्त्री घिमिरेलाई १५ भदौमा कोरोना पोजेटिभ देखिएको थियो ।
संक्रमण देखिएपछि उनी क्वाटरमै एकान्तबास बसेका थिए । १८ दिनको एकान्तबासपछि संक्रमणमुक्त भएका घिमिरेलाई सामान्य रुघाखोकी बाहेक स्वास्थ्य अवस्था सामान्य रहेको उनको सचिवालयले जनाएको छ ।
प्रदेश १ मा पाँच हजार एकसय कोरोना संक्रमित छन् । तीमध्ये दुई हजार १०० संक्रमणमुक्त भइसकेका छन् । सक्रिय संक्रमितमध्ये ५० प्रतिशतभन्दा बढी होम आइसोलेसनमा छन् ।

Source link

Share:

Leave a Reply

Your email address will not be published. Required fields are marked *