नेपालीलाई घर फर्किन रसुवागढी नाकाबाट खुला

३० भदौ, काठमाडौं । सरकारले नोवेल कोरोना भाइरस (कोभिड-१९) नियन्त्रण तथा रोकथामका लागि ३० असोजसम्म अन्तराष्ट्रिय सीमा नाका बन्द राख्ने निर्णय गरेको छ ।
सरकारले यसअघि ३१ भदौसम्म अन्तर्राष्ट्रिय सीमा नाका बन्द गर्ने निर्णय गरेको थियो । मन्त्रिपरिषद्को सोमबारको बैठकले अन्तर्राष्ट्रिय सीमा नाकाका सबै बिन्दु र खुला सीमानाको जुनसुकै स्थानबाट असोज महिनाभरी प्रवेश निषेध गर्ने निर्णय गरेको सरकारका प्रवक्ता तथा पराराष्ट्र मन्त्री प्रदीप ज्ञवालीले जानकारी दिए ।
थप तीन नाका खुला
मन्त्रिपरिषद् बैठकले भारत र चीनमा समस्या परेका नेपालीलाई प्रवेश गर्न थप ३ वटा नाका खुल्ला गर्ने निर्णय गरेको छ । चीनमा समस्यामा परेका नेपालीहरूलाई रसुवागढी नाकाबाट प्रवेश खुल्ला गरेको मन्त्री ज्ञवालीले जानकारी दिए ।
यस्तै, भारततर्फ समस्यामा परेका नेपालीलाई इलामको पशुपतिनगर र दार्चुलाको खलंगा पुलघाँट नाकाबाट प्रवेश गर्न अनुमति दिने निर्णय भएको ज्ञवालीले बताए ।
सरकारले यअअघि नै भारतमा समस्यामा रहेका नेपालीका लागि १० नाकाबाट प्रवेश अनुमति दिएको थियो ।
 

Source link

Share:

Leave a Reply

Your email address will not be published. Required fields are marked *