दिल्लीमा इलेक्ट्रीक कार किन्नेलाई १ लाख ५० हजार नगद अनुदान, नेपालमा प्रदेश सरकारको पनि कर

काठमाडौं । नेपाल सरकारले आर्थिक वर्ष २०७७/७८ को बजेटबाट नेपालमा इलेक्ट्रीक कारमा करको दरमा व्यापक वृद्धि गरेसँगै अर्थमन्त्री डा. युवराज खतिवडाको अहिले चर्को विरोध भइरहेको छ । तर, यही समय भारतको दिल्ली राज्यका मुख्यमन्त्री अरविन्द केजरीवालले भने विद्युतीय सवारी साधन किन्ने ग्राहकललाई राज्य सरकारले १ लाख ५० हजार भारुसम्म नगद अनुदान दिने घोषणा गरेर चर्चामा आएका छन् ।
नेपालमा अर्थमन्त्री डा. खतिवाडा १० प्रतिशत रहेको भन्सारलाई ८० प्रतिशत पुर्याएर ५० प्रतिशत अनुदानको घोषणा गरेका छन् । त्यस्तै सून्य प्रतिशत अन्तःशुल्कलाई ८० प्रतिशतसम्म र ४ प्रतिशत सडक निर्माण दस्तुरलाई बढाएर ५ प्रतिशत बनाएका थिए ।
उता केजरीवालले दिल्लामा रहेको प्रदुषणमा २५ प्रतिशतले कमी आएको भएपनि विद्युतीय सवारीसाधन प्रयोग बढाएर यसमा थप सुधार ल्याउन सरकारले नगद अनुदान दिने योजना अघि सारेको बताएका छन् ।
उनले घोषणा गरेको योजनामा विद्युतीय कारमा १ लाख ५० हजारसम्म छुटको घोषणा गरिएको छ भने स्कुटर, मोटरसाइकल, इरिक्सा र ढुवानीका इलेक्ट्रीक साधनको खरिदमा ३० हजारसम्म छुट दिने घोषणा गरेका छन् ।
यता नेपालमा प्रदेश सरकारले पनि इलेक्ट्रीक कारमा कर लगाएका छन् । यसअघि तिर्नु नपर्ने वार्षिक कर १५ हजारभन्दा माथि पुर्याइएको छ । यसले नेपालमा विद्युतीय गाडी आयात लगभग ठप्प भएको छ ।

Source link

Share:

Leave a Reply

Your email address will not be published. Required fields are marked *